Բարև ձեզ։ Ես Էրիկն եմ։ «Կաքավիկ» ռադիոյի հոկտեմբեր ամսվա թողարկման ընթացքում ես ձեզ կպատմեմ դելֆինների մասին։

  Ուզում եմ ձեզ ներկայացնել հետաքրքիր փաստեր դելֆինների մասին, քանի որ նրանք աշխարհի ամենաբարի , ամենախելացի և ամենակարևորը ընկերասեր կենդանիներն են։

  Դելֆինը միակ կաթնասունն է, որի ծնունդը սկսվում է պոչից, ոչ թե գլխից: Երիտասարդ դելֆինները մայրերի հետ ապրում են 2-3 տարի:

  Դելֆինները շատ լավ տեսողություն և բացառիկ լսողություն ունեն:

  Դելֆինները լողում են շրջանաձև և մի աչքով միշտ հետևում են, որպեսզի գիշատիչները չմոտենան իրենց: Որոշ ժամանակ անց  նրանք սկսում են լողալ հակառակ ուղղությամբ  ու սկսում են արդեն հետևել մյուս աչքով:

  Դելֆինները ապրում են խմբերով, դրա համար էլ նրանց մոտ զարգացած է փոխադարձ օգնությունը: Նրանք միշտ օգնում են թուլացած դելֆիններին մնալ ջրի երեսին, որպեսզի շնչահեղձ չլինեն . Հայտնի են  պատմություններ այն մասին, թե ինչպես են  դելֆինները հասնում օգնության խեղդվող մարդկանց:

  Դելֆինները ֆիզիոլոգիապես նման են մարդկանց: Մարդիկ և դելֆինները  շնչում են թոքերով:Երկուսն էլ ունեն քառախուց  սիրտ և ամբողջ ուղեղը համարյա նույնն է : Մարդիկ և դելֆինները տաքարյուն արարածներ են: Նույնիսկ  չափսերը մոտավոր նույնն են, նրանց և մարդկանց հասակը արտահայտված մետրերով   հասնում է 1,5-2 մետրի:

  Դելֆինները ձկների նման չունեն խռիկներ, սակայն ունեն թոքեր և շնչառական ուղիներ:Հաճախ նրանք պահում են շունչը 7 րոպե բայց կարող են ջրի տակ մնալ մինչև 15 րոպե:

  Դելֆինները կարողանում են իրենց ճանաչել հայելու մեջ:

  Ամենաաղմկահարույց բացահայտումը դարձավ դելֆինների անունների առկայությունը, որոնցով իրենք իրար տարբերում են: Դելֆինը լսելով իր անունը արձագանքում է։